This is where you stick random tidbits of information about yourself.
Ég er Kriss og ég er Rokk.
25 janúar 2005 Tilfinningaskyldan. Er maður að þrauka þetta? Janúar er að verða búinn. Skammdegið, ohhh ég er svo niðurdreginn! Var að hlusta á Joy Division og horfa á Myrkrahöfðingann. Ef maður vill virkilega rækta sinn þunglyndisgarð þá eru tækifærin fjölmörg. Innlend dagskrárgerð á RÚV sem dæmi! Ef maður ætlaði að slátra sjálfum sér þá væri það tvímælalaust á sunnudegi, mér leiðist sunnudagar. Maður reynir svo að dreifa huganum með því að horfa á sjónvarpið en hvað er þá í sjónvarpinu!? Dæmalaus djöfulsins leiðindi. Ég var að heyra að eftir að
Myrkrahöfðingjaseríunni lýkur þá tekur við Opinberum Hannesar í sex þáttum og svo tvö aukakvöld með "making of" þáttum!
Erum annars í stuði í hljómsveitinni Reykjavík!, við spiluðum með Norton og Jan Meyen á Grandinu á föstudaginn. Það var Röskvupartý á Grandinu fyrir, og fólk fór ekki að hlaupa út þegar við vorum að spila. Það er góðs viti. Reykjavík! mun svo spila með Jan Meyen og Skátum næsta fimmtudagskvöld á Gauki á stöng. Húsið opnar kl.22.00 og við byrjum kl.23.00.
Þess má geta að þessar þrjár hljómsveitir eru einmitt að fara út til London að spila í endaðan febrúar. Meira um það síðar!
Þorrablót í aðsigi. Hlakka mikið til. Það var stórkostlega gaman á síðasta ári þegar við í klíkunni héldum blót í híbýlum Valdimars.
,,Þeir sem vilja minnast ársins 2004"! Halló, hvað segið þið? Hvernig finnst ykkur árið byrja?
Ég hef verið að fara yfir ársuppgjörið 2004 í gömlum dagbókarfærslum og komist að því að árið byrjar á svipuðum nótum þ.e. í öllu því sem mér stendur næst. Það sem blundar mér í huga nú er nákvæmlega það sama og fyrir sléttu ári síðan. Það er nú samt gaman að segja frá því að þegar ég skoðaði í dagbókinni væntingar mínar til ársins 2004 þá gekk allt upp sem ég ætlaði mér. Það voru nú ekki samt ekki ægilegar kröfur sem ég gerði mér, bara að eignast DVD, fartölvu og svoleiðis. Bara svona til að vera með í leiknum/lífinu. Ekki til að vinna, bara að vera með.
Annars byrjar árið undarlega, þessar ógurlegu hamfarir í Asíu fá mann til að hugsa öðruvísi. Svo er það viðskiptaheimurinn hér á Íslandi, þar á eitthvað eftir að gliðna á árinu. Skuldirnar eiga eftir að flæða yfir heimilin. Það var eitthvað ógeðslegt að horfa á þetta söfnunarsjónvarp í gær; menn að keppast við að nefna hærri peningaupphæðir. Það var einhver ofboðsleg óvirðing gagnvart peningum sem sveif yfir vötnum. ,,...hvað 300 þúsundkall, það er ekki neitt nánösin þín hehehe"! Bankastjóri Landsbankans voða hress; ,,..eigum við ekki bara að fjórfalda þessa upphæð, við erum nebblega búnir að græða svo mikið af ykkur fíflunum í þjónustu- og færslugjöldum og öllum feitu vöxtunum hehehe".
Auðvitað var samt gott að peningarnir væru að fara rétta leið í þetta skipti.
Þetta var með því minnisstæðasta í mínu lífi á síðasta ári: *Mín var beðið á árinu, á hlaupársdegi þegar kvenfólki er leyfilegt að biðja manns!
*Byrjaði í hljómsveitinni Reykjavík!
*Breytti um starfsvettvang.
*Var tæklaður mjög illilega svo að liðþófi rifnaði.
*Bryndís byrjaði í Kennaraháskólanum.
*Hóf feril minn eftirminnilega sem plötusnúður.
*Fór með foreldrum mínum í skemmtilega ferð til bróður míns í Danmörku.
*Stefán Bjartur byrjaði í leikskóla.
*Fór á marga góða tónleika, m.a. hitaði upp með dr.Gunna fyrir Violent femmes og the Fall.
*Dreif mig loksins þessi þungu skref í ræktina.
*Var viðstaddur útför Rabba.
*Fór í tvær skemmtilegar hjónavígslur vina minna.
*Héldum Ísfirsku nýbylgjuna.
*Tók þátt í auglýsingum fyrir Pennann.
